बाजाँ के कारणे अस्यो कँई रूसणो-2
या तो जोड़ी मली हे मजादार मादू भाया परणो ने-2
चान्दी का चोक में बाजे छे रेड़िया-2
यो तो रेड़िया रो जीणो-जीणो राग मादू भाया परणो ने-2

मारा दादोसा बूरी किनी मुझे न पडबा मेली सा-2
बनासा तो इंगलीस बोले, मारे समझ ना आई सा-2
आगे आगे बनसा चाले, पीछे चलणा हो गया सा-2

बना रे थारा बाजीसा ने के, मंगाई दे अलवर रो फंको-2
बना रे थारा अलवर रा फंका पर, डाण्डी सोना री लगवई दो-2
बना थारा जान्या के अदवचे, उडेगा अलवर को फंको–2

बना जेपुर जाज्यो जी, वटा सूँ लाज्यो धनकपुरी
बनी मूँ नई जाणू ए, कसिक वेवे धनकपुरी-2
बना हरिया-हरिया डाबा जी, गुलाबी रंग धनकपुरी-2
बनी जेपुर जायायो, लायो ए थारे धनकपुरी-2

मारा नाक में नतड़ी रो मोती चमके ओ बनासा-2
मारा बाबोसा बुलाया थाँने अबके ओ बनासा-2
पडळा मोलाओ तो बेगा आज्यो ओ बनासा-2
मारा काकोसा बुलाया थाँने अबके ओ बनासा-2

बना रे बनी में हुई रे लड़ाई-2, सासू रे आडी फरगी रे हाँ-2
बना रे बनी में झगड़ो रे मचियो-2, सासू रे बिच में आगी रे हाँ-2
सासू बोली जावो बनासा-2, मारी छोरी ने क्यूँ मारी रे हाँ-2

बनो हरिया हरिया धोबन्या में काँई माँगे। 2
बनो हरिया हरिया धोबन्या में छाँयाँ माँगे। 2
बनो काँच री गिलास माई काँई माँगे। 2
बनो काँच री गिलास में ठण्डाई माँगे। 2