थें तो कुणी जी का संग में आया जी बना,
थें तो कुणी के भरोसे घर छोड्या जी बना॥टेर॥
में तो जामी जी का संग में आयो ए बनी-2,
में तो माता बई रे भरोसे घर छोड्या ए बनी।।

अर र र र र… काळ्यो कूद पड़्यो मेळा में, सइकल पंचर कर ल्यायो-2…।
अर र र र र… बाजा बाज रिया डूंगर में-2 छोरी थने लेबाळो आयो… अर र र र र।
अर र र र र… काळ्यो कूद……॥ 1

कोटा की गादी पे नोबत बाजे, नोबत बाजे अन्दर गढ गाजे।
झरण-झरण झालर बाजे ओ गजानंद, कोटा की गादी पे नोबत बाजे॥ 1
चालो गजानंद जोसीड़ा के चालाँ, आछा-आछा लगन कडावाँ ओ गजानंद।

आछी रे आछी साड़्‍याँ मारी लाल बनी ने सोवे ओ। 2
कोयल बनी ने सोवे ओ। 2
आप चितारो बनी बना ने चाले हिचकी। 2
बनड़ी रो नाम लेता ढबजावे हिचकी। 2

बनी उबी रे सड़क पर काँई माँगे, कोयल उबी रे सड़क पर काँई माँगे। 2
बनी जामीजी री पोळ रुमाल माँगे, बनी सोळाई सरपाव सिणगार माँगे। 2

ओ बनासा जेट मइने सावो निकळ्‍यो, गाँवाँ घणे रा गीत बनसा अइगी आका तीज। 2
ओ बनसा पडळा में मारे चुड़ला लइज्यो, पेरो सहेल्याँ रे साथ बनसा अइगी आका तीज। 2

सरवरिया री उली पेली पाळ बनी आम्बो मोड़ण आयो। 2
बनो रे बनी ये तो बाताँ लागा, एक अरज बनी मारी सुणले। 2
हाँ रे पीयर बाला कुण बनी आम्बो मोड़ण आयो। 2