बना थे जईज्यो समन्दा पार पडळा लाज्यो वो -२
बना थे रेग्‍या गढ पर रात थे मोड़ा आया ओ – २
बना थाँने हीरा केऊँ के लाल नणद रा बीरा ओ – २

बेगा बुलाया मोड़ा आया रे नवल बना,
आया रे सासु रा जाया, आया रे नणदल'रा बीरा।
अजल मजल डेरा आई देणा जी – २
मोटर मंगाई गाडा लाया रे नणदल रा बीरा,

बना हरिया हरिया साफा बान्द आँगण मारे आज्यो जी–२
मारे आँगण हळदी को जाड़ ऊटे तो रुक जाज्यो जी – २
मारी सेल्याँ पे ऊड़े रे गुलाल नजर मत दिज्यो जी – २

कुमार्या की बेटी ए… रूड़ी ने रुपाळी-२, रूड़ी ने रूपाळी ए थने भेरूँजी हेलो पाड़े-२
मने काँई केवे भेरूँजी घरे रे बाळू रोवे…-२, अरे बाळू ने उरो ल्याजे ए… दूद पिलाऊँ-२

ऊँचा-२ भेरूँजी रा देवरा ओ जामीं, नीची या मंजल मेंवाड़।
भेरूँड़ा थारे सरणे आया ओ,काळुड़ा थारे सरणे आया ओ……॥
सरणे आया ने होरा राकज्ये ओ जामी, राको नी हिवड़े लगाय।

उग रया चान्द बिछुड़ रया तारा-२, आदी ने अदराते कटे गिया सायर बनड़ा-२॥
उदियापुर रा सेर में सोनिड़ा की लड़की-२, वई मारे सेज बिछई सायर बनड़ी-२॥

उदियापुर जावो तो बना चुन्दड़ मारे लाज्यो,
उदियापुर जावो तो बना कागजियो लिक भेजूँ।
उदियापुर सूँ चुन्दड़ मारे लाज्यो नादान बना लाज्यो ओ बाळक बना।

भेरूजी आगे चोक में तो कुड़ा खोदाया बावड़ी, ये कुड़ा खोदाया बावड़ी॥
मारा सुसराजी नकरादार, माने जळ भरबा ने मोकली-२॥
भेरूजी आगे चोक॥१॥

भेरूँजी बावजी अस्या रे अड़ीला मारी सूनी ओ सेजाँ लूटी, अन्दाता ओ सूनी॥टेर॥
हार तोड़ मान्दळिया तोड़्या तोड़ी मारी तुळछाँ री माळा, अन्दाता ओ तोड़ी।

परवाना थारे मेल्या ए बनी-2, कूँकर रेवोली कँवारी-2…॥टेर॥
लिकिया परवाना पाचा फेर दिज्यो जी-2, में तो रेऊँला कँवारी-2
परवाना थारे मेल्या……॥1॥