पूराणा जमाना में एक दाण एक बोपारी हो वो एक गाम में रेतो हो। वो बोपारी वीं गाम में एक दाण खोटा काम कर नाक्या हा। गाम का मनक वीं बोपारी ने कुटन गाम बान्ने निकाळबा की सल्ला कीदी ही के अस्या खोटा काम करबा वाळा मनक ने गाम में ने रेबा देणो छावे।वीं गाम का मनक वीं बोपारी ने गाम बान्ने लेजान वींने रूँकड़ा के बान्द्यो अन वींके भाटा-लोडा अन मुक्का मुक्की की ठोकबा लागा हा। वीं भीड़ में एक वीं गाम का हउकार को छोरो बी आयो हो वो वीं पे एक भाटो फेंक्यो हो। वीं गाम का सब मनक वींने कुट कुटान जाता रया हा पचे वीं बोपारी का घर वाळा बी आया अन वींने खोल्यो हो अन वो बोपारी अबे गाम में कस्यान जावे। वीं होच्यो के आपणे अटे रेणो बी कुईने। आपणे तो ईं गाम मूँ दूजा गाम  में जान रेबा लाग जावाँ। वो अस्यान होच रयो हो' अन दन बी आँतरयो हो। वींकी नजर जमीं पे पड़ी वींने नीचे कई चमकतो तको भाटो नजर आयो वो वींने लीदो अन देक्यो तो वो तो हउकार का हात की बींटी को एक मूँगो नगीनो हो। वो वेपारी वीं हीरा की परक कर लीदी ही।
प्रसन-1. वो बोपारी कई बोपार करतो हो?
2. बोपारी ने गाम बान्ने काँ निकाळ्यो हो अन वींपे भाटो कुण फेंक्यो जींमे हीरो हो?
3. वीं बोपारी ने कई लाद्यो?
ईं केणीऊँ भणबा वाळा मनकाँ ने कई अकल मले लिको —