मेवाड़ी गुपत हमच्यार

अंतिम अपडेट 26-10-2020 संस्करण संख्या 1.3

1. ओळकपेचाण

आपणा मेवाड़ी समाज के बाते मदतगार बणबा हाँणू थाँने चूणबा के बाते घणो-घणो धनेवाद। माकाणी थाँका दिदीतकी थाँकी निजी सूचना अन थाँका गुपत चीजाँ वाळा अदिकार की सुरक्सा के बाते वचन देवाँ हाँ। जदि थाँने माकी नीती कन कार्यकरम का बारा में थाँका दिदीतकी निजी सूचना का बारा में कई सवाल करणो वेवे कन जाणकारी लेणी वेवे तो करप्या, माकाऊँ  info@mewari.org.in पे सम्परक कर सको हो।

जदि थाँकाणी माकी वेबसाइट www.mewari.org.in जिने अटे “Site” का रूप में दिदी तकी हे, ईंऊँ सम्परक करो अन माकी सेवा ने काम में लेवो अन थाँकाणी माने जो बी निजी सूचना देवो , माकाणी थाँकी सूचना ने गुपत राकबा के बाते हेलो मेतव देवाँ, अन माकाणी वे हारई करबाजस्या काम कराँ, ज्ये गुपत राकबा के बाते जरूरी हे। गुपत राकबा का बारा में ईं सूचना में, माकाणी माकी गुपत नीति का बारा में बतार्यां हाँ। माकाणी कसी सूचना भेळी कराँ, माकाणी वाँने काम में कस्यान लेवाँ हाँ अन वाँका बारा में थाँको कई हक हे, ईं बारा में माकाणी थाँने सापसट बताणो छावाँ हाँ। माकाणी आसा कराँ के थाँकाणी इने ध्यानऊँ भणबा के बाते थोड़ो टेम देवो। जदि ईं गुपत राकबा की नीति में कई अस्यी रोक वेवे, जिंने थाँकाणी ने मानो तो थाँकाणी माकी साइड अन सेवा ने काम लेबो बन्द कर सको।

आपणी वेबसाइड जस्यान के www.mewari.org.in  द् वारा भेळी किदी तकी हारी सूचना के बाते या गुपत राकबा का बाराँ में नीति लागू हे, अन दूजी ईंऊँ मलती सेवा। बेचणो, काम-धन्दा का बारा में कन घटना भेळी हे, जिंने माकाणी “Sites” का रूप में देवाँ हाँ।

करप्या। ईं गुपत नीति ने ध्यान राकन भणणी, काँकि थाँका द्वारा दिदी तकी निजी सूचना माका हण्डे साथी बणबा के बाते थाँके बाते बड़्या रेई।

2. विसय-सूची

ओळकपेचाण 1

विसय-सूची 2

माकाणी कसी तरे की सूचना भेळी कराँ? 2

आपणी वेबसाइड 3

समाज द् वारा दिदा तका (आंकड़ा) 3

निजी सूचना ज्ये थाँकाणी माने बतावो हो 3

वे सूचना ज्ये पेल्याँऊँ ईं आपूँआप भेळी किदीतकी हे 4

माकाणी थाँकी सूचना ने काम में कस्यान लेवाँ? 4

आपणी वेबसाइड 4

समाज द् वारा दिदा तका (आंकड़ा) 4

निजी सूचना (दिदीतकी) 5

कई थाँकी सूचना ने कस्याई दूजाँ के हण्डे काम में लेवाँ? 7

कई माकाणी नेटवर्क कन दूजी कस्यी तकनीक में काम में लेवाँ हा? 9

कई थाँकी सूचना दुजाँ देशाँ में खन्दई जावे?   9

तीजा पक्स की वेबसाइट से माको कई सम्बन्द हे? 9

माकाणी थाँकी सूचना ने कतरा टेम तक काम में लेवाँ हा? 10

माकाणी थाँकी सूचना ने कस्यान सुरक्सित राकाँ? 10

माकाणी भूडा मनकाँ नकूँ कस्यान सूचना भेळी कराँ हाँ? 11

थाँकी चीजाँ ने गुपत राकबा को अदिकार कई हे? 11

खाता सम्बन्दी सूचना 11

कई आपणी ईं नीति की जाँच करन सही कराँ हाँ? 12

थाँकाणी ईं नीति का सम्बन्द में माकाऊँ कस्यान सम्परक कर सको हो? 13

3. माकाणी कसी तरे की सूचना भेळी कराँ?

माकी वेबसाइट पे तीन तरे की सूचना हे-

1. माकी वेबसाइट: माकी तकनीकी, सरोत आँकड़ा अन इतियास अन सँस्करति उदेसय संबन्दी सूचना
2. समाज का आँकड़ा: खुद की इच्छाऊँ भागीदार बणणो अन समाज का द्वाराँ दिदा तका आँकड़ा
3. हारई जुड़यातका काम में लेबा वाळा के बाते निजी सूचना: ज्या वेबसाइड पे खोली तकी सई अन जाँची तकी वे ज्यो काम में लेबावाळा द् वारा देबा के बाते छई वेवे।

आपणी वेबसाइड

छोटा रूप में: ईं वेबसाइट को मकसद तकनीकी पटल, सरोत कूट अन दुजा इतियास अन संस्करति की सूचना देबा को काम हे।

आपणी वेबसाइड दुजी समरद संस्करति ने समाज की समरदी में सयोग अन आगे बडाबा के बाते आदार उपलब्द करावे हे। ईं वेबसाइट में तकनीकी, सरोत कूट, अन इतियास अन संस्करति उदेसय भेळा हे। 

समाज का आँकड़ा

छोटा रूप में: संस्करति अन मेवाड़ी सम्बन्दी खुद की इच्छा सूचनापरक रेकाडऊँ मदत कर सकाँ।

मदतकरबा वाळा आपणी वेबसाइट ने (1) संस्करति की सूचना अन (2) मेवाड़ी सम्बन्दी सूचना को रेकाड हारई खुद की इच्छाऊँ देवे हे। आँ रेकाडाँ में समाज ने संस्करति अन मेवाड़ी समन्दी कसी विसय-वस्तु अन मीडिया समन्दी हूजबूझ देबा वाळी सूचना वे सके हे।

निजी सूचना ज्या थें, माने देवो-

छोटा रूप में: थाँका द्वारा भेळी करबा के बाते दिदीतकी निजी सूचना जस्यान- नाम, पतो, सम्परक सूतर, खोलबा का अकर, अन सुरक्सा का आँकड़ा।

माकाणी वे निजी सूचना भेळी कराँ ज्ये थाँकाणी माकी वेबसाइड पे (जस्यान के माकी ओनलाइन फारम कन परतियोगिता कन अदला-बदली कारयकरम में भाग लेबा के बाते) कन दुजी तरेका सम्परक के बाते माकी वेबसाइड पे अन अप्स पे जुड़बा का टेम पे माके अन माकी सेवा में मन लगातातका खुद की इच्छाऊँ देवे हे। 

नाम अन सम्परक समन्दी सूचना: माकाणी थाँको नाम, ईमेलपतो, डाक को पतो, मोबाइल लम्बर अन फोटू अन दुजी अस्यी ई सम्परक समन्दी सूचना।

हेंदपेचाण वाळा मोटा मनकाँऊँ समन्दी सूचना: माकाणी सई जाँच करबा के बाते हेंदपेचाण वाळा मोटा मनकाँ का नाम, खोलबा का अकर, खोलबा का अकराँ का संकेत अन अस्यी ई सम्परक समन्दी सूचना भेळी कराँ हाँ।

सूचना ज्ये आपूँआप भेळी वी तकी हे:-

छोटा रूप में: को एक सूचना-जस्यान के आईपी पतो कन बराउजर अन डिवाइस केरेकटरेस्टिक जदि थाँकाणी माकी वेबसाइड ने काम में लेवो तो आपूँआप भेळी वे जावे।

जदि थाँकाणी माकी वेबसाइड देको, विंने काम में लेवो कन चलावो, तो माकाणी कोएक सूचना आपूँआप भेळी कराँ हाँ। या सूचना थाँकी खास पेचाण ( जस्यान – थाँको नाम कन सम्परक लम्बर समन्दी सूचना) परगट ने करे हे पण विधी अन काम में लेबा समन्दी सूचना भेळी वे सके, जस्यान के थाँको आईपी पतो कन बराउजर अन डिवाइस केरेकटरेस्टिक, ओपरेटिंग सिस्टम, मेवाड़ी की परातमिकता यूआरएलएस संदरब, डिवाइस को नाम, देस, स्थिति अन थाँकाणी कदी अन कस्यान माकी वेबसाइड अन दुजी तकनिकी सूचना ने काम में लेवो? आ सूचना सबऊँपेल्याँ आपणी वेबसाइड का उपयोग अन सुरक्सा बणी रेबा का बाते माका मइला विसलेसण अन रिपोट का उदेसयऊँ जरूरी हे।

4. माकाणी थाँकी सूचना ने काम में कस्यान लेवाँ?

आपणी वेबसाइड:

छोटा रूप में: आ वेबसाइड निरमाण संस्थाऊँ समन्दित हे अन आ ईं सरत के हण्डे सेवा देवे के कस्या बी अन अदिकार मूँ नकल करबा की इजाजत कुई देवाँ। आँकड़ा (रेकाड, विसय-वस्तु) समाजऊँ समन्दित हे अन समाज की सामान्य सम्पति हे।

आपणी वेबसाइड हव संस्करति के मदत अन आगे बडाबा के बाते समाज ने विकसित करबा के बाते एक मंच देवे। ईं मंच की वेबसाइड बणाबा में तकनीकी, सरोतकूट, अन दूजा इतियास अन संस्करति का उदेसयाँ के बाते काम में लेबो भेळो हे। ज्या निरमाण सोसाइटी की सम्पति हे।

समाज का आँकड़ा:

छोटा रूप में: वेबसाइड ऊँ उपलबद रेकॉड ने आपाणी परोत्सान देन परकासण की सुविदा देवाँ हाँ। माकाणी समाज की संस्करति अन मेवाड़ी के विकास का मकसदऊँ अन आपणा संविदान का हस्याबऊँ अपेक्सा के अनुसार, वाँकी संस्करति अन मेवाड़ी के समन्द में रेकाड अन तरे-तरेकी मिडिया समन्दी विसय-वस्तुऊँ सयोग देबा के बाते समाज के काम में लेबावाळा ने मंच देवाँ हाँ। ओ सामान आपणी वेबसाइड ने काम में लेता तका परकासित कराँ हाँ।

माकाणी मेवाड़ी अन समाज का हारई विकास का मकसदऊँ बणई तकी (नई) ईं तरेकी विसय-वस्तु ने बी परोत्साहित कराँ हाँ।

विसय-वस्तु पे देबावाळा को अदिकार वेवे, ने के निरमाण सोसाइटी को। विसय-वस्तु की जाँच अन परकासण समाज का मनकाँऊँ कराँ हाँ, आँकड़ा पे देबावाळा अन समाज को अदिकार निरबर करे अन बना सुल्क जनता के काम के बाते उपलब्द रेवे।

निजी आँकड़ा (आदार को सामान):

छोटा रूप में: माकाणी परमाणिकता अन सुरक्सा के बाते वेबसाइडऊँ भेळा किदा तका निजी आँकड़ो का मदत करबावाळा ने पेचाण देबा के बाते, जरूरत वेबा पे एक-दूजाऊँ बातचीत के बाते, अन वेबसाइड पे त्यार किदीतकी विसय-वस्तु ने परसारित करबा के बाते काम में लेवाँ हाँ।

माकाणी माकी वेबसाइड ऊँ भेळी किदी तकी निजी सूचना को नीचे दिदीतकी तरे-तरेकी की बनालाब का उदेसयाँ के बाते काम में लेवाँ। माकाणी माका संविदान के अदिकार का मइने समाज की संस्करति अन मेवाड़ी का परच्यार-परसार के बाते आपणा संविदान का उदेसयाँ की भरपाई के बाते थाँकी मइली इच्छा अन पूरी इजाजत के हण्डे थाँकी निजी सूचना ने काम में लेवाँ। माकाणी विसवास के हण्डे नीचे दिदीतकी सूची का हस्याबऊँ हारई उदेसयऊँ आगे न्यारी काम में लेबा की परसठ भूमि की ओर इसारो करे हे।

माकाणी भेळी किदीतकी कन मलीतकी सूचना ने काम में लेवाँ हाँ:

1. थाँकी सेमतीऊँ खाता ने सरल बणाबा अन खोलबा के बाते: थाँकाणी खातो बणाबा अन खोलबा के बाते ज्या सूचना देवो अन सेमति देवो, माकाणी वाँ सूचना ने काम में लेवाँ।

2. थाँकी सेमतिऊँ परच्यार-परसार के बाते बातचीत का उदेसऊँ ज्ये थाँके भेजी जावे हे: थाँका द्वारा दिदीतकी कसी तरेकी बोपारीक उदेसय की निजी सूचना माके कन तीजा पक्स के साथी द्वारा काम में ने लई जावे।

3. वेदानिक कारणो कन परोत्सान का उदेसयऊँ थाँने खन्दई तकी सरकारी सूचना खन्दबा के बाते: माकाणी थाँने भेजीतकी परोत्सान वाळी सूचना कन नवी विसय-वस्तु वाळी सूचना कन माकी बदली सरताँ, नित्याँ अन नियमाँ का बारा में थाँकी निजी सूचना ने काम में ले सको।

4. थाँकी सेमति के हण्डे परमाण-पतर भेजबा के संबन्द में: माकाणी माकी साइट पे परमाणपतर भेजाँ हाँ, जिंमें निजी सूचना वे सके हे। परमाणपतर खन्दाबाऊँ पेली माकाणी थाँको नाम अन थाँका परमाणपतर ने काम में लेबा का बाते थाँकी सेमती लेवाँ। जदि थाँकाणी थाँका परमाण पतर ने अपडेट करणो कन हटाबो छावो तो करप्या माकाऊँ info@mewari.org.in पे सम्परक करो अन आपणो नाम, परमाण पतर, स्तिती, अन सम्परक सूचना जोड़बा के बाते राजी वेजाणो।

5. माका परोत्सान का उदेसयऊँ थाँकी इजाजत के हण्डे इनाम, लाटरी अन परतियोगिता को आयोजन: जदि थाँकाणी परतियोगिता में भाग लेबा के बाते चुण्या जावो, माकाणी थाँकी सूचना ने इनाम। लाटरी अन परतियोगिता के आयोजन के बाते कर सकाँ।

6. माका परोत्सान का उदेस्यऊँ परतिपुस्टि के बाते निवेदन: माकाणी थाँकी सूचना की परतिपुस्टि अन थाँकाऊँ सम्पर्क के बाते माकी साइड का उपयोग का बाते निवेदन कर सकाँ हाँ।

7. परोत्सान कन वेदानिक कारणा का उदेस्यऊँ माकी साइड ने सुरक्सित राकणी: माकाणी थाँकी सूचना माकी साइड ने सुरक्सित राकबा अन (कन गलत प्रयोग ने रोकबा के बाते) सुरक्सा के बाते काम में ले सकाँ।

8. परोत्सान का उदेस्यऊँ एक काम में लेबा वाळाऊँ दूजा काम में लेबा वाळा ने सक्सम बणाबा के बाते: माकाणी थाँकी सूचना ने एक काम में लेबा वाळाऊँ दूजा काम में लेबा वाळा ने सक्सम बणाबा के बाते काम में ले सकाँ।

9. परोत्सान अन वेदानिक कारणाऊँ माकी सरताऊँ, अनुबन्दाऊँ, नित्याँ ने लागू करबा के बाते: माकाणी थाँकी सूचना ने काम में ले सकाँ।

10. वेदानिक निवेदन को जवाब देबा के बाते अन वेदानिक कारणा की हानि रोकबा के बाते: जदि आपाँने कुई वेदानिक आदेस मले तो वाँको जवाब देबा के बाते माने परदतों का निरीक्सण करबा की जरुरत वे सके।

11. दुजा परोत्सान कामा के बाते: माकाणी थाँकी सूचना ने दुजा कामा के बाते जस्यान के आँकड़ा को विसलेसण, काम में लेबा की परवति की पेचाण, माका परोत्सान अबियान की परबावसीलता को निरदारण अन मूल्यांकन, अन आपणी साइट को हुदार, उत्पादन सेवा, लेबा-देबा हारई में थाँका अनुभव ने काम में ले सकाँ।

5. कई थाँकी सूचना पे दुजाँ के लारे बच्यार केराँ?

छोटा रूप में: माकाणी खालीमाली थाँकी सेमति पे सूचना का कानून की पाळणा करबा के बाते। थाँका हक की सुरक्सा के बाते, कन माका परोत्सान का कार्यकरमा ने आगे बडाबा के बाते आदान-परदान कराँ हाँ।

माकाणी थाँकी सूचना ने खालीमाली निम्न स्तिती में आदान-परदान कन परगट कराँ:

1. कानून की पाळणा में: जटे आपाँने कानूनी तोर पे राजकीय न्याय की परकरिया में, कोरट का आदेस पे, कन कानूनी कारवई में परगट करबा की जरूत वेवे तो आपाँ थाँकी सूचना देवाँ जस्यान की कोरट का आदेस पे जवाब देबा में, ( सरकारी अदिकारी ने जबाब देबा हमेत रास्टीय सुरक्सा का मामला में कन कानून लागू करबा की छावना में)।

2. जरूरी अन कानून का अदिकार में आबा वाळा इलाका: जटे आपाँने विस्वास वेवे के खोजबीण करबाऊँ, रोकबाऊँ, कन आपणी नीति की गुणवत्ता भंग वे जावे, धोको वेबा की संका वेवे, कणी मनक की सुरक्सा पे धमकी मले अन गलत काम के बाते कन जणी मुकदमा में आपाँ भेळा हाँ तो वामें जरूत पड़वा पे माकाणी थाँकी सूचना ने सब का बाते दे सकाँ।

3. बेंचबा वाळो, सल्ला देबावाळो अन ओरी तीजा पक्स को पक्सकार: माकाणी थाँका आँकड़ाऊँ तीजा पक्स कन बेंचबा वाळो, सेवक, सलाकार कन दलाल ज्यो वणाका काम करबा का बाते आपणा पक्स में काम करावे। अन अस्यानीस सूचना का आदार पे गवा लावे, वाँका लारे मलान कर सके। जस्यान - आँकड़ा की जाँच, ईमेल देणो, आवभगत, गराक की सेवा अन फोरी सेवा। माकाणी चुण्या तका तीजा पक्स ने साइड देकबा की तकनीकी ने काम में लेबा की के सकाँ। ज्यो वाँका आँकड़ा भेळा करबा में मदतगार वे सकाँ के आपाँ साइड ने काम में लेती दाण मइला काम काज किदा? या सूचना दूजी चीजाँ में, अरत अन टरेक डाटा, कस्यी खास विसयवस्तु की वावई करणी अन ओनलेण का कामा में हव हमजबा का बाते काम में ले सकाँ। जदि नीति में निरदारित ने हे तो आपाँ बोपार का काम मूँ थाँकी सूचनाऊँ कस्यान बी लेबा-देबा, बेंचबा, किराया, कन बोपार ने करे।

4. बोपार की अदला-बदली: दुजाँ का लारे समन्द कन हमजोतो वे तो कम्पनी का एसेट बेंचबा में, रिप्या - कोडी की मदत देणी कन आपणी कम्पनी की हारी कन थोड़ाक धन्दा को लेणदेण करबा पे माकाणी थाँकी सूचना अटनू -अटने कन अदला-बदली कर सकाँ हाँ।

• तीजा पक्स का विग्यापन देबा वाळा: जदि थाँकाणी साइड देको तो विग्यापन देबा वाळी तीजा पक्स की संस्ता को विग्यापन देबा का बाते माकाणी थाँकी सूचना ने अदला -बदली कर सके। ये संस्तावाँ थाँकाणी माँकी वेबसाइट देकबा का बाते नेटवरक कन ओरी कस्यी बी तकनीकी कामकाज में चीजाँ को कन सेवा को विग्यापन देबा में सूचना ने काम में ले सके। (आपणा नेटवरक की नीति ने नीचे बिन्दू संक्या 6 में देको — कई आपाँ नेटवरक कन ओरी कस्यी तकनीकी ने काम में लेवाँ हाँ?)

• सम्बद्धता: आपाँ आपणाऊँ काम पड़बा वाळा का हाते थाँकी सूचना ने अदला-बदली कर सकाँ हाँ, जणिमें वाँने आपणी गुपत नीति चोड़े ने करबा को विस्वास कराँ। काम पड़बा वाळा में आपणी बाप-दादा की संस्तावाँ, ओरी हाते काम करबा वाळी संस्तावाँ, भेळी काम करबा वाळी कन आपणा वस में काम करबा वाळी संस्तावाँ हे।

• बोपार में पाँतीदार: माकाणी थाँने जरूत के आदार पे सामान, सेवा कन इनाम देन माका पाँतीदार के हाते थाँकी सूचना की अदला-बदली कर सकाँ हाँ।

• थाँकी सेमती मूँ: थाँकी सल्ला मूँ थाँकी खुद की सूचना छाप सकाँ हाँ।

• ओरी काम में लेबा वाळा: जदि थाँकाणी खुद की सूचना की अदला-बदली (जस्यान- जाँच- पड़ताल, मदत कन साइड की कस्यी दूसरी विसयवस्तु) करे हे, कन हाराँकई इलाका का अंदरुनी काम काज करे, अस्यी खुद की सूचना बी आपणी साइड ने काम में लेबा वाळा हारई जणा अन दूजा बी हेंगतार देक सेकी। जदि थाँका आपणी साइड ने काम में लेबा वाळा के अलावा दूजाँ का हाते मीला काम-काज करो अन सामाजिक नेटवरक (जस्यान फेसबुक) मूँ रजिस्टर करो, आपणी साइड के हाते सामाजिक नेटवरक के करार में थाँके हाते थाँको नाम, परोफाइल फोटू अन थाँकी आदताँ को विवरण अन थाँकी परोफाइल देकी।

6. कई आपाँ इंटरनेट कन दूजी तकनीकी काम में लेवाँ? 

छोटा रूप में: माकाणी थाँकी सूचना एगटी करबा के बाते इंटरनेट अन ओरी दूजी तकनीकाँ काम में ले सकाँ हाँ।

माका जाँचबा अन सूचना के भेळी करबा के बाते इंटरनेट अन वस्यानीस दूजी तकनीक (जस्यान- वेब बीकॉन अन पिक्सल्स) ने काम में लेवाँ। माकाणी तीजा पक्स का उपकरण अन सेवा बी तकनीकी सेवा के बाते कम कराँ हाँ, ज्यो इंटरनेट अन वसीज दूजी तकनीकी भेळी करे, ज्यो थाँने खाली हऊ सेवा उपलब्ध कराबा में मदतगार वेवे हे। जदि अणी लेक में कई खास लिक्यो तको ने हे तो माका थाँकी सूचना ने वोपार का मकसद में काम में ने लेवाँ हाँ। अस्यान की इंटरनेट की नीति का उपयोग आपस में मली तकी संस्तावाँ के बाते लागू वेवेला।

7. कई थाँकी सूचनावाँ की विदेसाँ में बात-चीत करे कई ?

छोटा रूप में: माकाणी थाँकी सूचना ने थाँका देस के सवा दुजा देसाँ में बात-चीत, भेळी अन काम में ले सके हे।
माका सरवर तकनीक अन रिप्या कोडी का कारण मूँ देस के बान्ने बी टक सके।

करपा करन अणी बात की पूरी जाणकारी वेणी छावे के आपणी साइड पे थाँका दिदी तकी हारई जरूरी सामान ने भारत अन भारत के बान्ने दुजा देसाँ में आमो-हामो ले दे सकाँ। ( देको-उपरे दिदा तका लेण-देण)। अणा देसाँ में खास सामान की रुकाळी कन ओरी कानून ने वेवे पण माकाणी अणी छानेड़ी नीति अन जरूरी कानून के जस्यान थाकाँणी दिदी तकी चीजाँ की रुकाळी का बाते जरूरी उपाय कराँ।

8. तीजा पक्स की वेबसाइट पे आपणी कई स्थिति हे?

फोरा रूप में: आपणा मूँ मेळताळ ने वेबा वाळा कस्या बी तीजा पक्स नकूँ थाँकाणी सूचना को लेण – देण करे तो विंकी रुकाळी के बाते आपाँणी जमेदार ने हाँ।

जो माकाऊँ मेळताळ ने हे, अस्यान तीजा पक्स को विग्यापन माकी वेबसाइड पे ने मेली। पण, आपणी वेबसाइट की पुँच का काम में, जदि थाँकाणी थाँकी आदार सामान तीजो पक्स की सेवा में जोड़ो हो, माकाणी अस्यो सामान का हकदार ने वेवाँ थाँकाणी जणी तीजा पक्स ने आदार सामान दिदो, विंकी रुकाळी अन छाने राकबा का बाते माँकाणी जमेदारी ने लेवाँ। कस्या बी तीजा पक्स वाळा भेळा किदा तका सामान अणी निजी नीति में भेळा ने हे। आपाँने आपणी वेबसाइट की सेवा कन काम हमेत विंकी विसयवस्तु, छाने राकणी, रुकाळी अन नीत्याँ की देक-रेक की जमेदारी ने हे। थाँने छावे के अस्या तीजा पक्स की नीत्याँ की देक-रेक करणी अन परस्ना को जबाब देबा का बाते वामूँ हीदो सम्परक करणो।

9. थाँकी सूचना ने माकाणी कतरीक टेम तक राकाँ?

फोरा रूप में: अणी छानेड़ी नीति में दिदा मकसद ने पूरो वेबा की जरुत कन कानूनऊँ दुजी उम्मीद करबा तक माकाणी आपणी सूचना ने भेळी राकाँ हाँ।

माने थाँकाणी दिदी तकी सूचना ने छाने की नीति में मान्या तका मकसद की पूरती वेबा तक जरुरत तक भेळी राका, जदि कानूनऊँ हेला लम्बा टेम तक रोकबो जरुरी ने वेवे (जस्यान-कर नेम, लेका परस्तुति कन दुजी कई वेदानिक जरुत वेबा तक)।

जदि थाँकाऊँ सूचना ने माके वेदानिक धन्दा ने आगे लेजाबा में काम की जरुत ने वेवे, माकाणी वाँने कन तो हटा देवाँ कन छुपा देवाँ, जदि यो वे सके तो हे (जस्यान-थाँकी खुद की सूचना की जरुत पड़ती टेम काम के बाते बेकअप आरचिव्ज में भेळी रेई)। माकाणी मटाबा का भरोसा तक थाँकी सूचना ने एकली अन सुरगसित राकाँ।

10. माकाणी थाँकी सूचना ने कस्यान सुरगसित राकाँ?

फोरा रुप में:  भेळी अन तकनीक सुरगसा का हस्याबऊँ थाँकाणी दिदा तका आदार सामान ने सुरगसित राकबो माको मकसद वेवे।

माकाणी ज्यो खुद की सूचना ने काम में लेवाँ हाँ, विंकी सुरगसा के बाते माकाणी बड़्या तकनीक अन भेळी सुरगसा की अटकळ त्यार कर मेली हे। पण, यो आद राकणो के माकाणी यो भरोसो ने दे सकाँ हाँ के इंटरनेट पे 100 परतिसत सुरगसित हे। जदि माकाणी घणी हेली कोसीस कराँ, थाकाऊँ मली तकी सूचना माकी वेबसाइड पे अटनू -अटने ने वेवे अन पूरी सुरगसित रेवे, पण बी यो संकट तो हे। थाँने छाई के थाँकी सेवा ने आपाँणी सुरगसित वातावरण की सीमा में राकाँ। 

11. कई आपाँणी जरूत वाळा मनकाँ नकूँ सूचना भेळी करा हाँ?

फोरा रुप में: आपाँणी जाणबूझन 18 साल मूँ कम उमर का बाळक नकूँ आदार सामान ने तो भेळो कराँ हाँ अन ने वींने काम में लेवाँ।

माकाणी जाणबूझन 18 साल मूँ कम उमर का बाळकाँ नकूँ आदार को सामान ने तो भेळो कराँ हाँ अन ने विंने काम में लेवाँ हाँ। साइट ने काम में लेबाऊँ कमऊँ कम 18 साल का हो कन अस्या बाळक का माँ-बाप हो अन साइट ने थाँका हस्याबऊँ काम में लेबा के बाते मोट्याराँ ने अनुमति देवाँ। जदि आपाँने नंगे वेवे के 18 सालऊँ कम उमर का बाळक नकूँ सूचना लिदी तकी हे, माकाणी जट कदम उठाता तका थाँको खातो बन्द कर देवाँ अन अस्यी सूचना ने जट हटा देवाँ। जदि थाँने या नंगे वे जावे के थाँने 18 साल मूँ कम उमर का बाळक की सूचना भेळी कर लिदी वेवे तो थाँकाणी जट info@mewari.org.in पे माने हमच्यार करणा।

12. थाँका छानेड़्या अदिकार कई हे?

फोरा रुप में: भारत ने या मान्यता दिदी तकी हे के छाने राकबो खास अदिकार को एक हिस्सो हे, पण आलतरे बी खुद की आदारभूत सूचना कानून में विचारादीन हे।

थाँकी खुद की निजी गोपनीयता के बाते हेलो अदिकार देबा के बाते कानून त्यार वेर्यो हे। कोयेक जगाँ में (जस्यान-यूरोप का आरतिक सेतर में) थाँने आदारभूत सामान के बाते कोयेक कानून का अदिकार हे। खुद की आदारभूत सूचना अदिनेम स्याप रुप मूँ थाँका अदिकार ने परिभासित अन व्याक्यायित केरी। जदि यो परावदान आ जई, याँ अदिकाराँ ने अधुनातन बणाई। जदि माकाणी थाँकी निजी आदारभूत सूचना ने काम करबा में थाँकी सेमती पे बस्वास करर्यां हाँ तो थाँकाणी कस्यी बी टेम माकी सेवा ने बन्द कर सको हो। पण, करपा करन ध्यान दो, थाँका दिदी तकी सेमती में आदारभूत सामान ने काम में कई कानूनी असर ने पेड़ी।

लेका के बाते सूचना

थाँकाणी कस्सी भी टेम थाँका खाता की सूचना ने हुदार कन बदल सको हो कन हटा सको हो।

1. थाँका खाता में लॉगिंन, सेटिंग अन अपडेटिंग कर सकाँ हाँ।
2. रेटे सरता के लारे मलबा का हमच्यार ने काम करता तका माकाऊँ मलणो।

थाँका खाता ने बन्द करबा के बाते थाँके केबाऊँ माकाणी माका ‘एक्टिव डेटाबेस’ मूँ थाँका खाता ने बन्द कर देवाँ कन हटा देवाँ। खेर कस्याई छळ, आपत्ती, अबकई, कस्यी खोजबीण, माकी हरताँ ने काम में लागू करबो कन कानूनी जरुरताँ की पालणा करबा का हस्याबऊँ बंचबा के बाते कोएक सूचना माकी फाइल मे हाजी - हाँतरी राक सकाँ

इंटरनेट कन दुजी तकनीक: हेला वेब बरॉउजर ‘डिफाल्ट’ मूँ इंटरनेट ने मानबा में लाग्या तका हे। जदि थाँकाणी छावो हो तो थाँका सामान्यता थाँको बरॉउजर इंटरनेट हटाबा के बाते चुण सकाँ हाँ अन बन्द कर सकाँ हाँ। जदि थाँकाणी इंटरनेट हटाओ कन बन्द करो हो, तो माकी साइड का कोयेक स्वरुप ने परबावित कर सके हे।

ई मेल मारकेटिंग को विकल्प चुणणो: थाँकाणी कस्सी बी टेम ईमेल मूँ माकी मारकेटिंग ईमेल की सूची मूँ ‘अनस्क्राइब लिंक’ पे क्लिक करन ‘अनस्क्राइब’ कर सको हो, जिंके बाते हेली जाणकारी नेम का हस्याबऊँ मल सेकी। पचे थाँकाणी मारकेटिंग सूची मूँ हट जावो-पचे भी माकाणी थाँने ईमेल सेवा के बाते जाणकारी खन्दाबो जरुरी हमजाँ हाँ। ज्यो थाँका खाता के जाणकारी अन काम के बाते जरूरी हे। थाँकाणी यो काम बी चुण सको हो।

• साइड के लारे थाँको पंजीकरण करबा की टेम थाँकी रुचि का बच्यार

• थाँका खाता में थाँकी रुचि को ‘सेटिंग’ अन ‘अपडेटिंग’ को ‘लॉगिन’ करणो।

• माकाऊँ मलबा के बाते रेटे लिकीतकी सूचना ने काम में लेणी।

13. कई माकाणी अणी नीति ने ‘ताजा’ कराँ हा?

फोरा रुप में: हाँ, माकाणी मलता-जुलता कानून की पालणा की जरुत वेबा पे अणी नीति ने ‘ताजा’ कराँ हाँ।

माकाणी टेम-टेम पे अणी छाना की नीति में बदलाव कराँ हाँ। बदलाव का रुप ने ‘संसोदित’ सब्द के लारे तारीक बी देवाँ अन संसोदित को रुप जस्यानी पूगी, लागू मान्यो जई। जदी माकाणी गुपत राकबा की नीति में भोतिक रुप मूँ कई बदलाव कराँ, तो माकाणी थाँने अस्या बदलाव मूँ कन थाँने हीदी सूचना भेजबा के बाते जट हमच्यार केराँ। माकाणी थाँने अणी गुपत नीति ने पाछी देकणी अन हमच्यार करबा के बाते हरेक दाण राजी केराँ के माकाणी सूचना ने कस्यान सुरगसित राकाँ हाँ?

14. थाकाणी अणी नीति के बाते माकाऊँ कस्यान मल सको हो ?

जदी अणी नीति के बारा में थाँको कई जवाब कन टिप्पणी वेवे तो, थाँकाणी माने info@mewari.org.in पे ई मेल करणो।