ओ बीरा रे अरज करूँ रे कर जोड़, बगत पे बेगो आज्ये रे,
बीरा मारा, जाया मारा अरज करूँ रे कर जोड़ मायरो लाज्ये रे-2

हाँ जी थारे रकड़ी लायो ए बनी सा मुण्डे बोलो तो-2
थें तो हँस-हँस करलो बात, बनीसा थारे कँई वेग्यो-2
थारे रकड़ी लायो ए……॥
थारे गीताँ लायो ए, बनीसा मुण्डे बोलो तो-2

मारो बनो कपासण जावे, रूमाल रीतो लावे-2
में किसको भेजूँ बजार, लाडू की मन में आवे-2
लाडू की मन में आवे-2, मने सीरो पुड़ी ना भावे-2
में किसको भेजूँ बजार………।

बनी आम्बा पाका ए बनी आमली,
आतो पाकी चमेली री डाळ कोयल बाई सिद चाली-2
बनी आयो सगाजी रो डावड़ो-2, बनी लेग्यो सहेल्याँऊँ टाळ-2
कोयल बाई सिद………॥

संकड़ी सी-संकड़ी सी सेर्यां में सामा मलग्या, जाली जी रा बनड़ा-2
हरयाळा-हरयाळा रुमालाऊँ जाटक देग्या ओ, जाली जी रा बनड़ा-2

बीरा थारा घर-गवाड़ी बेंच, बीरा मारे मइरो लाज्ये रे-2
बीरा थारी पंचा में हो रई बात, बीरा मारे मइरो लाज्ये रे-4
बीरा थारा गाडी रा धोरी बेंच, बीरा मारे मइरो लाज्ये रे-4

मेंरा बनासा पेण्ट वाळा, लेंगा वाळी कोन हे-2
लइट लगा के देको बनसा, पलंग नीचे कोन हे-2
मेंरा राजन बाल राके, चोटी वाळी कोन हे-2
लइट लगा के देको बनसा, पलंग नीचे कोन हे-2