भेरूजी आगे चोक में तो कुड़ा खोदाया बावड़ी, ये कुड़ा खोदाया बावड़ी॥
मारा सुसराजी नकरादार, माने जळ भरबा ने मोकली-२॥
भेरूजी आगे चोक॥१॥
में लिदो बेवड़ो हात, बागाँ जळ भरबा ने नीकळी-२॥
भेरूजी आगे चोक॥२॥
वे आगे खड़ा नाराण, रे बागाँ में देकी एकली-२॥
भेरूजी आगे चोक॥३॥
थें आगा डगो नाराण, माने जळ भरबा दो बेवड़ो-२॥
भेरूजी आगे चोक॥४॥
कुण घराँ की नार थोड़ो ऊँचो करले छेवड़ो-२॥
भेरूजी आगे चोक॥५॥
मारा जेटजी नकरा दार माने जळ भरबा ने मोकली-२॥
भेरूजी आगे चोक॥६॥
में लिदो बेवड़ो हात, बागाँ जळ भरबा ने नीकळी-२॥
भेरूजी आगे चोक॥७॥
में लिदो बेवड़ो हात, मूँ जळ भरबा ने नीकळी-२॥
भेरूजी आगे चोक॥८॥
थें तो आगा रे डगो भेरूनात माने जळ भरबा दो बेवड़ो-२॥
भेरूजी आगे चोक॥९॥
याँके कमर कसी तलवार रे, हाताँ में रंगमा सेलड़ो-२॥
भेरूजी आगे चोक॥१०॥
थूँ तो कुण घराँ की नार थोड़ो ऊँचो करले छेवड़ो-२॥
भेरूजी आगे चोक॥११॥
यो तो गावे मादू लाल ढोलक पे मोती लाल जी-२॥
भेरूजी आगे चोक॥१२॥