पारक खुलग्या हे। मास्क लगाणा सुबे - स्याम कसरत करता तका चेरा दीकबा लागा। घबराट में आपाँ हेला हावचेत रेबा लागग्या हाँ- जस्यान लगातार मास्क लगाणो। यो थाँने मान्दा कर सके। खासतोर मूँ दोड़ती दाण कन कसरत करती दाण मास्क लगाणो। आपाँ कारबन डाई आक्साइड छोडाँ, मास्क मूँ या गेस फेंपड़ा में पोंचे ज्यो आक्सीजन ने कम कर नाके, जणिऊँ फेंपड़ा अन दुजा अंग खराब वे जावे।
हेचेत: दोड़ती दाण कन कसरत करती दाण मास्क पेरणो गलत हे;
सरीर में आक्सीजन कम वेबाऊँ हारई अंगाँ पे असर
आक्सीजन की मातरा कम वेजावे अन कारबन की मातरा कम वेबाऊँ खास अंगाँ पे यो असर पड़े
कारबन डाइआक्साइड टॉक्सिसिटी मूँ सरीर पे पड़बा वाळा बूरा असर
आँक – कान
- कम दीकणो अन कम हूणणो
चामड़ी पे
- राता चाटा अन एलरजी
नसाँ में
- कमजोरी आणी
दिमाग पे असर
- चल्डान्द्यो
- सुस्ती आणी
- चक्कर आणा
- डापाचूक वेणो
- मातो दूकणो
- बेहोस वेणो
काळजा पे असर
- धड़कन बडणी
- बीपी हई
- पंप पे असर
कदी अन कटे जरूरी हे मास्क
- थाँकाणी हाजा हाँतरा हो तो मास्क की जरूत जदी पड़े थाँका कस्यी कोरोना संकरमित मनक की देकभाळ करता वेवो तो।
- पण थाँने हरदी अन धाँसी वेती वेवे। गळा में खरकरी वेवे अन थाकणो बी आतो वेवे तो मास्क पेरणो अन घरेइस आराम करणो अज जरूत पड़े तो डागडर ने बताणो।
पास्क पेरबाऊँ हाजा हाँतरा हो अस्यान ने हे। मास्क पेरणो जदी हऊ रेई जदी हात बी स्याप रेवे।
भीड़ भाड़ वाळी कस्यी बी जगाँ पे जाती दाण मास्क जरूर पेरणो।
मास्क ने वेवे जतरे जट बदल लेणो अन कोसीस करणी के लगाया तका मास्क ने दुबारा ने लगाणो।
मास्क की जरूत कदी ने पड़े
थाँकाणी हाजा हाँतरा हो अन घरेइस हो तो मास्क लगाबा की जरूत ने हे।
कसरत करती दाण मास्क ने पेरणो। मास्क मूँ सरीर ने वतरो आक्सीजन ने मले जतरा की जरूत वेवे। कम आक्सीजन में फेंपड़ा की बेमारी वेबा की संका रेवे।
मास्क के सवा एक दुजाऊँ दूरी बणान राकणी अन हात धोबा की पालणा बी जरूर करणी।
अगर थाँका कार चलार्या वेवो अन कार में अकेला हो तो मास्क लगाबा की कई जरूत ने हे।
सुबे – सुबे 7 मूँ 10 बज्याँ तक पारक खुला रेई अन हाँजको 5 बज्याऊँ 6:45 तक खुला रेई।
मास्क लगाणो जरूरी हे, पण कदी, कटे, कस्यान यो मोटो सवाल हे। ध्यान राकणो के दोड़ती दाण अन कसरत करती दाण लगातार मास्क लगाबाऊँ आँक, कान के लारे चामड़ी अन काळजा पे बूरो असर पड़े।
- खोलो सुझाव नाको