दोई-दोई साड़्याँ ए बेनड़ थारे ले आयो-2,
थें तो ओडो ए- थें तो ओडो ए- थें तो ओडो ए मारी बेन-2, मायरो थारे ………॥
दोई-दोई टिका ये बेनड़ थारे ले आयो,

बाड़ा जो बिचली पिपळी रे बीरा-2,
उबी रे जोऊँ जामण जाया बाट, माका जाया बाट-2,
ओसर चूक्यो रे बीरो नई आयो………॥

सोना रो तिमणियो न हिरा पन्‍ना सूँ जड़ियो-2,
बनड़ी रे गेरो मन में भायो ओ बना लाया सोना रो तिमणियो-2
तिमणियो सोना रो यो तो बनड़ी रे घड़ायो-2,

रंग भरी रेल में उदियापुर का सेर में, आज पदार्या जी बना रंग भरी रेल में। 2
पडळा मोलावे बनो बाणिड़ा री हाट में, मोज करे बनड़ो बाबो सा रा राज में। 2

जामण जाया अइज्ये मइरो लेन, जुळक्याँ-जुळक्याँ रोवे जाजम पे थारी बेन। 2
सासुजी तो बोले माने आडा डोडा बोल, बीरो नई आयो थारी निकळ गई तोल। 2

मोड़ो तो बेगो रे बीरा मारे आँगण आज्ये-2
फेंट्यो चुन्दड़ रे बीरा सासू जी के लाज्ये-2
सापो कुरतो रे बीरा ससुराजी के लाज्ये-2
सोना री सलाड़ी रे बीरा पग धोबा ने लाज्ये-2

ओ बीरा रे अरज करूँ रे कर जोड़, बगत पे बेगो आज्ये रे,
बीरा मारा, जाया मारा अरज करूँ रे कर जोड़ मायरो लाज्ये रे-2

हाँ जी थारे रकड़ी लायो ए बनी सा मुण्डे बोलो तो-2
थें तो हँस-हँस करलो बात, बनीसा थारे कँई वेग्यो-2
थारे रकड़ी लायो ए……॥
थारे गीताँ लायो ए, बनीसा मुण्डे बोलो तो-2

मारो बनो कपासण जावे, रूमाल रीतो लावे-2
में किसको भेजूँ बजार, लाडू की मन में आवे-2
लाडू की मन में आवे-2, मने सीरो पुड़ी ना भावे-2
में किसको भेजूँ बजार………।

बनी आम्बा पाका ए बनी आमली,
आतो पाकी चमेली री डाळ कोयल बाई सिद चाली-2
बनी आयो सगाजी रो डावड़ो-2, बनी लेग्यो सहेल्याँऊँ टाळ-2
कोयल बाई सिद………॥