ओ बनासा जेट मइने सावो निकळ्‍यो, गाँवाँ घणे रा गीत बनसा अइगी आका तीज। 2
ओ बनसा पडळा में मारे चुड़ला लइज्यो, पेरो सहेल्याँ रे साथ बनसा अइगी आका तीज। 2

सरवरिया री उली पेली पाळ बनी आम्बो मोड़ण आयो। 2
बनो रे बनी ये तो बाताँ लागा, एक अरज बनी मारी सुणले। 2
हाँ रे पीयर बाला कुण बनी आम्बो मोड़ण आयो। 2

इण बनड़ी रे च्यार-च्यार बेना, च्यारुँई बेना चटकाँदारी रे हाँ। 2
च्यारुँई चटकाँदारी बनड़ी, घुगरियाँ गमकावे ओ। 2
मोटी तो बापड़ी कई नई जाणे, नानकी तो कामणगारी रे हाँ। 2

अरे ईण लेरिया में जड़ रे-जड़ रे हीरा, मारी नणदल बई रा बीरा-2
सूपारी रे सवा लाक री-2…………॥
थें तो जिमो मारा नणदल बई रा बीरा, लाडू ने पेड़ा सीरा-2
सूपारी रे सवा लाक री-2…………॥

घोड़ी नाचे ओ बना बन्दोळी रे माय-2
घोड़ी ने नचाय थोड़ी घोड़ी ने नचाय-2
ढोल बाजे ओ बना बन्दोळी रे माय-2
घोड़ी नाचे ओ बना………॥
ठुमक-ठुमक घोड़ी रे नाचे, नाचे ढोल री गूँज-2

रोवे मती ए बनी रोवे मती ए, आजकाल का छोरा थाँने राके होरी ए-2॥
बनी रोवे मती ए…………॥
रोवे मती ए बनी रींके मती ए, आजकाल का लाडा थाँने राके होरी ए-2॥
बनी रोवे मती ए…………॥

थें बनासा मारा गोरा घणा-गोरा घणा थाँको फोटू खिंचाई दूँ केमरा में। 2
फोटू खिंचाईं दूँ केमारा में, रील धुपई दूँ चित्‍तोड़ में। 2

बीरो सा तो मइरो मोलावे या भावज नट -नट जावे। 2
या भावज नट-नट जावे बीरोसा कोनी माने। 2
बीरोसा तो गेणा मोलावे मारी भावज नट-नट जावे। 2
या भावज नट-नट जावे बीरोसा एकन ने माने। 2

सोना री पायलिया मारी लाल बनी ने सोवे। 2
जाँजर रो जणकारो मन मोवे सायर बनड़ी। 2
नाक में नतड़ी रो मोती लाल बनी ने सोवे। 2
काना री जुमरीया मन मोवे सायर बनड़ी। 2

साँची रे बात बतावो बना आप कँई लाया-2,
जूटी बाताँ करो बनसा मारे कँई लाया-2,
मणिया रे वाळी माळा रे बना थें टुटोड़ी लाया-2,
बटियाँ री जोड़ी बना भूल बेगा आया-2।