एक दाण ती बोपारी एक राजा का राज में ग्या हा, वे राजा ने जान क्यो के हजूर माने आपका राज में लूट लिदा माका आपका राज में बोपार करबा ने आया हा। राजा वां बोपारियाँ की बात हुणन क्यो के थाँने मारा राज में लूट लुदा हे तो थाँकी अबकई में मूँ थाँकी मदत करूँ।

बन्‍ना सा तो चाल्या साँवणी रे सेर-2, बन्‍नी ने कई केग्या ओ बन्‍ना सिरदार-2।
बन्‍ना सा तो चाल्या उदियापुर रे सेर-2,  बन्‍नी ने कई केग्या ओ बन्‍ना सिरदार-2।
खावज्ये ने पीवज्ये घरकी ऐ नार, ढोल्ये पोडी रिज्ये ऐ बन्‍नी सिरदार-2।

काकोसा री नवी ए सड़क पर, नोजल गाडी चल रई ऐ-2,
सब दनियाँ तो देकण चाली, थाँ मत जावो मारा नवल बन्‍ना-2।
सोना की तो रेल बणा दूँ, चान्दी रायन गान बन्‍ना, रंग मेल में रेडियो लगा दूँ थें बाबू में बेनजी बन्‍ना॥

पेलो वदावो हन्ज्या मारे आयो जी-2, मोकल्यो मारा सुसरा सा री पोळ जीओ रंग रसिया-2॥टेर॥
फूल पतिया भँवर गेलो छोड़ी दीज्यो सा, रंग रसिया गेलो छोड़ी दीज्यो सा-2॥
फूल पतिया भँवर गेलो छोड़ी दीज्यो सा-2………॥1॥

बन्‍ना टेसण टेसण रेडिया लगवई दो सा-2, वटे आवो नवल बन्‍ना सुणबाने।2।
बन्‍नो छोड़ गयो अणी बरात में-2, मारी ऊमा रे बगल गई पायर में।2।
बन्‍ना टेसण टेसण सनिमा लगवई दो सा-2, वटे आवो नवल बन्‍ना देकबा ने ।2।

सापो तो दुजो बान्दलो जी बनड़ा, सापा पर लागरीयों बनड़ी को फोटू।2।
लगाई दो लटटू, खेचईं दो फोटू, सापा पर लागरीयों बनड़ी को फोटू।2।
बन्‍ना री सादी राजा रे घर में - 2, बन्‍नी री सादी राजा रे घर में ।2।

दादो सारी प्यारी बन्‍नी नळ के नीचे नाती हे, हात में साबुन की बटीया जल्दी कपड़ा धोती हे।2।
काँच चईये, कंघा चईये, रेबिन चईये मिटर का-2, सोने की तो कलीप चईये बालो में लगाने की।2।

अरे मारे लारे लारे चाल बन्‍नी चाल सटके-2, तु छेटी कईया चाले मासे दुर हटके।2।
मूँ थारो बनड़ो थूँ थारी लुगाई, पक्‍को हे परमिट पछे थने डर हे काई।2।
मारी तीतरी थाँरा पे यानें डर अटके, तु छेटी कईया चाले मासे दुर हटके।2।

मे तो दोय-दोय कंदोरा पेरती रे-2, मे तो सटका लगाती टनफोर बनड़ा बोल तो सरी-2 ।टेर।
मे तो पान सरीकी पातळी-2, मे तो लाडू जस्यी लाडली रे बन्‍ना बोल तो सरी-2।
मे तो मावा जस्यी मीटी मारा बनड़ा-2, मे तो थारा बिच गोरी रे बनड़ा बोल तो सरी-2।

कुणी थारा लगन लिकाया बाळक बनड़ी-2, कुणी ने परणाया थाने लाड सूँ।टेर।
दादोसा तो लगन लिकाया बाळक बनड़ा-2, माता बई परणाया माने लाड सूँ-2,
कुणी थारा लगन लिकाया………॥1॥
रोई-रोई रुदन मचावे बाळक बनड़ी-2, सजी ने आवे ओ बनड़ा वेस में-2,