सोना री पायलिया मारी लाल बनी ने सोवे। 2
जाँजर रो जणकारो मन मोवे सायर बनड़ी। 2
नाक में नतड़ी रो मोती लाल बनी ने सोवे। 2
काना री जुमरीया मन मोवे सायर बनड़ी। 2
माता पे सोना री रकड़ी लाल बनी ने सोवे वो। 2
लीलाट में बिन्दीया रो भभको सोवे वो सायर बनड़ी। 2
गळे में तिमणियो मारी नवल बनी ने सोवे वो। 2
मोर कंटी तो प्यारी लागे सायर बनड़ी। 2
सोना री पायलिया मारी लाल बनी ने सोवे वो। 2
बिछया रो जणकारो प्यारो लागे सायर बनड़ी। 2
हिवड़ा रे माँई हार मारी नवल बनी ने सोवे वो। 2
हाँसळी रो रुप प्यारो लागे सायर बनड़ी। 2
हाता रा बाजूबन्द मारी लाल बनी ने सोवे वो। 2
चुड़ले री लड़ियाँ प्यारी लागे सायर बनड़ी। 2
हाता रा हतपान मारी लाल बनी ने सोवे वो। 2
तुळछाँ में गजरिया रे मनड़ो मोवे सायर बनड़ी। 2