1. एक बाण्यो ठमकदार, वीं इण्डो मेल्यो अस्सी हजार।
    अमल को डोडो।


2. 'वा गी, वा अई' ।
    नजर


3. पाणी उपरे हला तरती देकी।
    कांजी


4. गेर गुमेर बूँटी, गेले जाताँ लूटी ।
    बोल्डी


5. गोळ दार चकरी, पीळी दार पई, जो ने हेड़े वींको बाप सपई।
    बाळी


6. हतेळी पे हाती जुकता तका देक्या।
    जूँ


7. माचा के मरच्याँ घणी लागरी ।
    टूटी तकी दाँवण।


8. मूँ कटर्यूं, मूँ मरर्यूं, थूँ काँ रोर्यो।
    कान्दो


9. आकई देस में फरन आवे, हाँज की खुणा में आन उबी रेवे।
     पराणी


10. एक राण्ड असी जो आकाई देस में मातो बकेरन उबी रेवे।
      खजूर


11. चलकणी तलवार, बन्दा भींत के ठबकार ।
      हेण्डो


12. असीक डबली में ऊँ हूँ ।
      अमल


13. एक राण्ड असी जो हारई पंचाँ में फरन पाछी आवे अन खूल्या में आन पाछी बेट जावे ।
      बीड़्यो, चलम


14. बापू के तो लाम्बो, अन बई के चोड़ो ।
      सापो अन फागण्यो।


15. थारा भई पे दो रोज छडूँ ।
      बेवड़ो,‍(कळी अन सुकल्यो)।


16. रातो रातो हूँवायो, हामें बेटन गलायो।
      कातर्या


17. एक आळ्या में बावजी-बावजी बेटा।
      दाँत


18. एक पसेवड़ो जींमें नो जणा, ज्याँकी न्यारी-न्यारी मोड़ ।
      लसण


19. आर जऊँ, बार जऊँ, कँवळे मीण्डकी टेर जऊँ।
       ताळो


20. काळो घोड़ो अन धोळी अस्वारी, एक के पाछे एक ।
      तवो अन रोटी।


21. एक हँकड़ो हेर्यो जिमें लुई घणा।
      मांग


22. एक राण्ड असी जो आकई मलक में नुंगती बकेरती फरे ।
      छाळी की मींगण्याँ।


23. कजळी वन में रेती, रातो पाणी पीती ।
      जूँ


24. खादा पण तोड़्‍या कोइने।
      घड़ा


25. काण्यो कमर बान्दन उबो ।
      पूळो


26. आर जऊँ, बार जऊँ, घर में गदेड़ा बाड़ जऊँ ।
       माँक्‍याँ


27. आर जऊँ, बार जऊँ, घर में गदेड़ा फेर जऊँ ।
       बारी


28. ताकड़ी में तुले ने, बजार में मले ने, अन वीं बना तुआर वेवे ने।
      पीळी (मिटटी)


29. एक लाकड़ी के काकड़ी ।
      एण्डकाकड़ी


30. एक रुँकडा के बारा तो फांगड़ा अन तीन सो पेंसट डाळ्याँ ।
      एक साल


31. दो भायाँ के एक पागड़ी ।
      बळद की राल्ड़ी।


32. च्यार हार जावे, तो आटई हार जावे अन च्यार जीत जावे, तो आटई जीत जावे
      चोमासा का च्यार मिना।


33. सागर अतरो बेलड़ो अन कीड़ी जतरीक छायाँ ।
      गेलो


34. बेटी पन्‍नी तकी, माँ कुँआरी ।
      मेन्दी


35. एक लुगई के हो मुण्‍डा ।
      छान्‍नी


36. एक लुगई के पेट मे बीस छोरा-छोरी।
      मरच


37. अड़ नाचे धड़ नाचे, धड़ को थुँथाड़ो नाचे, थुँथाड़ा को ठाकर नाचे, ठाकर की ठुकराणी नाचे, ठुकराणी को फुन्दो नाचे ।
       खाटी छाछ


38. हर-हर हाँप जावे, गोट्‍या थारो बाप जावे।
      लाव


39. माँ मोडी, बेटी टाटली, पोती सलप ।
      केरी


40. च्यार मनकाँ का मुण्डा में एक-एक राड़ो।
      माचो


41. दन-दन में तो भरी रेवे, हाँज पड़्‍याँ खाली वे जावे ।
      भलगणी


42. पेली जलम्यो मोटो भई, पछे जलम्यो फोरो भई सबऊँ केड़े जल्मी माँ।
      दूद, दी, खाटी छा।


43. सुला पाछे हाती उबो।
      चमचो


44. काळो अकर, भेंस बराबर ।
      अणभण्यो


45. एक डोकरो बाको फाड़न उबो।
      सुलो


46. काळी माँ, राता छोरा-छोरी, अन जटे जावे उटे माँ अन छोरा-छोरी लारे रेवे।
      रेलगाडी


47. लीली छतरी, रातो घर वींमे बेटा काळा मनक।
      तरबूज्यो


48. ने मार्या ने लुई किदा पण हाराँकई माता काट दिदा।
      नुक


49. च्यार आँक्याँ तो हे, पण देक ने सकूँ।
      गुण्डी


50. हदँई चालतो रेवे, जट कदी ने रुके, पण जीं दन रुक जावे तो वीं दनऊँ पाछो ने आवे।
      हा (जीव)

Language Use Type