एक मनक जेळ में ग्यो, उटे जान देके तो राजा आया हा अन वाँ राजा के सब मनक धोग लागर्या अन केर्या के माका कई हुगला काम ने किदो हो। माने दुजा मनक फंसा नाक्या ईं बाते माने छोड नाको। जतरे दुजो कई बतावे अन तीजो मनक कई बतावे अस्यान सब मनक आपणा-आपणा कसूर बता नाक्या हा। पण एक मनक नीचो मातो करन बेटो हो वो मनक कई ने केर्यो हो, वीं मनक ने क्यो के कारे थूँ अस्यान काँ बेटो हे। वीं क्यो के मूँ ईं बाते बेटो हूँ के में खोटा काम घणा कीदा पण मने सजा कम मली ईं बाते मूँ बेटो हूँ। वो मनक बान्‍ने जेलर नके ग्यो अन वीं क्यो के ईं मनक ने जट छोड नाको। काँकी यो मनक अणा मनकाँ ने बी बगाड़ नाकी, काँकी वो मनक खराब हे। ईं बाते वींने जट छोड नाको। वीं मनक ने छोड्‍यो अन वीं क्यो के मने बान्‍ने काँ निकाळर्या हो, वीं क्यो के थने बान्‍ने ईं बाते निकाळर्या हे के थूँ थारा हारई खराब कामा को गुनो खुदा-खुद ओड लिदो।
प्रसन-1. राजा का हामें सब मनक कई केर्या हा?
एक मनक खुणा में काँ बेटो हो वो मनक वीं दुजा मनक ने कई क्यो हो?
वीं मनक ने बान्‍ने काँ निकाळ्यो हो?
ईं केणीऊँ भणबा वाळा बाळकाँ ने कई अकल मले लिको—