बना हरिया हरिया साफा बान्द आँगण मारे आज्यो जी–२
मारे आँगण हळदी को जाड़ ऊटे तो रुक जाज्यो जी – २
मारी सेल्याँ पे ऊड़े रे गुलाल नजर मत दिज्यो जी – २
मारी माता बई परुसे थाळ कवा तो थोड़ा लिज्यो जी - २
मारा जामी जी को अकरो सबाव रुस्या तो मत जाज्यो जी –२
मारा काकोसा रो हंसण्‍यो सबाव मळक मती जाज्यो जी –२
बना मारुती मोटर में बेट आँगण मारे आज्यो जी – २
मारे आँगण हळदी को जाँड ऊटे तो रुक जाज्यो जी -२
मारे आँगण मेंन्दी को जाड़ ऊटे तो रुक जाज्यो जी-२
मारी सेल्या हे नकरा दार नजर मत दिज्यो जी – २
मारी भावज परुसे थाळ कवा तो थोड़ा लिज्यो जी – २
मारा बीरोसा रो आकरोस सबाव रुस्या तो मत जाज्यो जी – २
मारा मामोसा रो हंसण्‍यो सबाव मळक मती जाज्यो जी – २
बना हातो में घड़ियाँ बान्द आँगण मारे आज्यो जी – २
मारे आँगण नारंगी को जाड़ ऊटे तो रुक जाज्यो जी-२
मारे आँगण केळा को जाड़ ऊटे तो रुक जाज्यो जी-२
मारी सेल्याँ पे ऊड़े रे गुलाल नजर मत दिज्यो जी – २
मारी भोजाई तो परुसे थाळ कवा तो थोड़ा लिज्यो जी – २
मारा काकोसा रो आकरोस सबाव रुस्या तो मत जाज्यो जी – २
मारा दादोसा रो हंसण्‍यो सबाव मळक मती जाज्यो जी – २