उदियापुर जावो तो बना चुन्दड़ मारे लाज्यो,
उदियापुर जावो तो बना कागजियो लिक भेजूँ।
उदियापुर सूँ चुन्दड़ मारे लाज्यो नादान बना लाज्यो ओ बाळक बना।
आछ्या रेवो तो बना मारे घरे आज्यो, उदियापुर जावो तो बना चुन्दड़॥
वाणिड़ा रे जावो बन्ना कागदिया लिक मेंलूँ, वाणिड़ा रे जावो रईपुर कागदिया लिक मेंलूँ,
आछ्या-आछ्या पडळा मारे लाज्यो ओ नादान बन्ना लाज्यो ओ बाळक बन्ना,
मारूती में बेट बन्ना मारे घरे आज्यो-२, उदियापुर जावो तो बना चुन्दड़……॥
सोनिड़ा के जावो बन्ना कागदिया लिक मेंलूँ, आछ्या आछ्या गेणा मारे लाज्यो,
ओ नादान बन्ना,लाज्यो ओ बाळक बन्ना, आछ्या रेवो तो बना मारे घरे आज्यो,
उदियापुर जावो तो बना चुन्दड़……॥
जोदाणे जावो तो बन्ना कागदिया लिक मेंलूँ-२, जोदाणा की चुन्दड़ मारे लाज्यो
ओ नादान बन्ना लाज्यो ओ बाळक बन्ना, आछ्या रेवो तो बना मारे घरे आज्यो,
उदियापुर जावो तो बना चुन्दड़……॥
काजिड़ा जावो बनसा कागदियो लिक मेंलूँ, आछ्या-आछ्या डोरड़ा लाज्यो ओ नादान बन्ना,
लाज्यो ओ बाळक बन्ना, आछ्या रेवो तो बना मारे घरे आज्यो,
उदियापुर जावो तो बना चुन्दड़……॥
उदियापुर जावो तो बना कागजियो लिक मेंलूँ, मयुरा केसीट मारे लाज्यो ओ नादान बन्ना,
लाज्यो ओ बाळक बन्ना, आछ्या रेवो तो बना मारे घरे आज्यो,
उदियापुर जावो तो बना चुन्दड़……॥
माळिड़ा के जावो बनसा, नेलो थाने राड़ूँ, आछ्या-२ सेवरा मारे लाज्यो ओ नादान बन्ना,
लाज्यो ओ बाळक बन्ना, आछ्या रेवो तो बना मारे घरे आज्यो,
उदियापुर जावो तो बना चुन्दड़……॥