साँची रे बात बतावो बना आप कँई लाया-2,
जूटी बाताँ करो बनसा मारे कँई लाया-2,
मणिया रे वाळी माळा रे बना थें टुटोड़ी लाया-2,
बटियाँ री जोड़ी बना भूल बेगा आया-2।
साँची रे बात बतावो………॥
हीरा वाळी रकड़ी मारे बिरोसा मोलाई-2,
जूटी बाताँ करो बना आप कँई लाया-2।
साँची रे बात बतावो………॥
हिंगळू वाळी डब्बी रे बना थें पूराणी लाया,
अन्तरयारी सीसी बना थें भूल कइँयाँ आया-2।
साँची रे बात बतावो………॥
साँची रे बात बतावो बना आप कँई लाया-2,
जूटी बाताँ करो बना मारे कँई लाया-2।
साँची रे बात बतावो………॥
सोना रे वाळी नतड़ी मारे माता जी मोलाई-2,
जूटी बाताँ करो बना मारे कँई लाया-2।
साँची रे बात बतावो………॥
रुपिया रो रूमाल बना थें फाटोड़ो लाया-2,
नावण को साबून बना भूल बेगा आया।
साँची रे बात बतावो………॥
हिवड़े रे वाळो हार मारे भाबोसा मोलायो,
जूटी बाताँ करो बना मारे कँई लाया-2।
साँची रे बात बतावो………॥
नाकाँ री नतड़ी ओ बना बिरोसा मोलाई-2,
जूटी बाताँ करो बना मारे कँई लाया-2।
साँची रे बात बतावो………॥
हाताँ रा हतपान मारा मामोसा मोलाया-2,
जूटी बाताँ करो बना मारे कँई लाया-2।
साँची रे बात बतावो………॥